Voice of Asia News

نوازشریف کیخلاف آرٹیکل6 کےتحت کارروائی کی درخواستیں ناقابل سماعت قرار

لاہور(وائس آف ایشیا ) لاہور ہائیکورٹ نے سابق وزیراعظم نوازشریف کیخلاف آرٹیکل 6 کے تحت کارروائی کیلئے دائر درخواستیں ناقابل سماعت قرار دیتے ہوئے درخواست گزاروں کو متعلقہ فورم سے رجوع کرنے کی ہدایت دے دی۔میاں نوازشریف کے خلاف عدالت میں ممبئی حملوں سے متعلق متنازع بیان کے بعد آرٹیکل 6 کے تحت کارروائی کیلئے درخواستیں دائر کی گئی تھیں، جن میں موقف اختیار کیا گیا تھا کہ نوازشریف نے پاکستان اور قومی سلامتی کے اداروں کو بدنام کیا۔فاضل جسٹس شمس محمود مرزا نے درخواستوں کے قابل سماعت ہونے یا نہ ہونے سے متعلق فیصلہ محفوظ کیا تھا جو سنا دیا گیا جس میں نوازشریف کے خلاف آرٹیکل 6 کے تحت کارروائی کیلئے دائر درخواستیں ناقابل سماعت قرار دے دی گئیں اور درخواست گزاروں کو متعلقہ فورم سے رجوع کرنے کی ہدایت کی گئی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے