Voice of Asia News

ججز نظر بندی کیس‘پرویز مشرف کو تحریری جواب داخل کرنے کی ہدایت

اسلام آباد(وائس آف ایشیا)سابق صدرجنرل ریٹائرڈ پرویز مشرف کے خلاف ججز نظر بندی کیس میں عدالت نے تحریری جواب داخل کرنے کی ہدایت کردی۔جمعہ کواسلام آباد کی انسداد دہشت گردی عدالت میں سابق صدرجنرل ریٹائرڈ پرویزمشرف کے خلاف ججزنظربندی کیس کی سماعت ہوئی، سماعت کے دوران پرویزمشرف کے وکیل اختر شاہ اور ضامن کیپٹن ریٹائرڈ نذیرعدالت میں پیش ہوئے۔عدالت کی جانب سے استفسارکیا گیا کہ ضامن بتائیں کہ کب پرویز مشرف کو عدالت کے سامنے پیش کرسکتے ہیں، اگر پرویزمشرف پیش نہ ہوئے تو ضمانتی مچلکے بحق سرکار ضبط کر لیے جائیں گے، جس پر اختر شاہ ایڈووکیٹ نے کہا کہ پرویزمشرف آنا چاہتے ہیں، ڈاکٹر نے اجازت دی تو واپس آ جائیں گے۔ عدالت نے پرویز مشرف کے ضامن کو تحریری جواب داخل کرنے کی ہدایت کرتے ہوئے سماعت 27 اکتوبر تک ملتوی کردی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے