Voice of Asia News

نئی حکومت کے ساتھ ملکر مزید بہتر کام کرنے کی کوشش کریں گے، سربراہ پاک بحریہ

کراچی(وائس آف ایشیا) چیف آف نیول اسٹاف ایڈمرل ظفر محمود عباسی کا کہنا ہے کہ آئندہ برسوں میں پاکستان ترقی کی منازل طے کرے گا جب کہ نئی حکومت کے ساتھ مل کر مزید بہتر کام کرنے کی کوشش کریں گے۔کراچی میں منعقدہ تقریب سے خطاب کرتے ہوئے ایڈمرل ظفر محمود عباسی کا کہنا تھا کہ بحریہ میں نئی ترقی لانی ہے تو ہم سب کو مل کر آگے آنا ہوگا، الیکشن کا مرحلہ مکمل ہوا اور 2008 سے تیسرا اقتدار منتقل ہوا، آج پاکستان بہت زیادہ بہتر ہے اور آئندہ برسوں میں پاکستان ترقی کی منازل طے کرے گا جب کہ نئی حکومت کے ساتھ مل کر مزید بہتر کام کرنے کی کوشش کریں گے۔ ان کا کہنا تھا کہ بین الاقوامی ماحول میں تبدیلی آئی ہے، ہم ملک کے دفاع اور اندرونی چیلنجز سے نمٹنے کے لیے تیار ہیں، پاکستان کا بیرونی دفاع مضبوط ہے اندرونی پر خطرات پر بھی قابو ہے۔

ایڈمرل ظفر محمود عباسی نے کہا کہ سمندری تجارت بند ہونے سے دنیا کی تجارت کی موت ہوسکتی ہے، آبی راستوں سے دنیا کی تجارت 80 فیصد ہے جب کہ پاکستان کی تجارت 90 فیصد ہے، دنیا کی دو تہائی تیل کی ترسیل سمندر کے ذریعے عرب ممالک سے ہوتی ہے۔

سربراہ پاک فوج نے کہا کہ گوادرسے ہم بڑی تجارت کرسکتے ہیں، چینی جہاز نے بلوچستان میں گوادر کے اطراف سونامی کے خطرے کا سروے کیا ہے، چین نے واضح کیا کہ سونامی کا خطرہ نہیں ہے لیکن گیس کے بڑے  ذخائر موجود ہیں، ہم نے معاہدہ کیا ہے کہ ان کی مشینری کے ساتھ ملکر ان ذخائر کی تلاش کریں گے، سمندری علاقوں میں تیل کے ذخائر ڈھونڈنا سب سے بڑا کام ہے تاہم امید ہے کہ ہم یہ ذخائر ڈھونڈ لیں گے

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے