Breaking News
Voice of Asia News

معاوضہ بڑھانے پر کرینہ کپور کی مانگ میں غیر معمولی اضافہ

ممبئی (وائس آف ایشیا) سپر ہٹ فلمیں دینے کے بعد اداکاروں کی جانب سے اپنا معاوضہ بڑھانا کوئی نئی بات نہیں‘رواں برس کے آغاز میں ریلیز ہونیوالی بولی وڈ کی متنازع فلم ‘پدماوت’ کی اداکارہ دپیکا پڈوکون نے پدماوتی کا کردار ادا کرنے کے بعد اپنا معاوضہ بڑھا کر 13 کروڑ روپے کرلیا تھا۔اسی طرح اداکارہ کنگنا رناوٹ نے بھی سمرن اور رنگون جیسی فلموں کے بعد آنے والی فلم ’منی کارنیکا: دی کوئی آف جھانسی’ میں اپنا معاوضہ بڑھا لیا تھا۔اطلاعات ہیں کہ جہاں دپیکا پڈوکون ایک فلم میں کام کا معاوضہ 13 کروڑ لے رہی ہیں وہیں اب کنگنا رناوٹ بھی فلم کا معاوضہ 11 کروڑ روپے لے رہی ہیں۔تاہم زیادہ معاوضہ لینے اداکاراؤں کی فہرست میں اب ایک اور مزید اداکارہ کا اضافہ ہوچکا ہے۔بولی وڈ بیبو کرینہ کپور نے بچے کی پیدائش کے بعد ریلیز ہونیوالی اپنی پہلی فلم ‘ویرے دی ویڈنگ’ کی کامیابی کے بعد اپنا معاوضہ بڑھا لیا۔بھارتی نشریاتی ادارے کی رپورٹ کے مطابق اگرچہ ‘ویرے دی ویڈنگ’ کی فلم ایک نہیں بلکہ 4 خواتین کی فلم تھی جس میں چاروں نے اہم کردار ادا کیے۔تاہم اس فلم کی کامیابی کے بعد کرینہ کپور نے اپنا معاوضہ بڑھاکر خود کو زیادہ معاوضہ لینے والی اداکاراؤں کی فہرست میں شامل کرلیا۔اب کرینہ کپور نے اپنے معاوضے میں ایک دم 3 کروڑ روپے کا اضافہ کرلیا۔رپورٹ کے مطابق اب کرینہ کپور نے اپنا معاوضہ 10 کروڑ روپے کردیا ہے جب کہ ویرے دی ویڈنگ تک ان کا معاوضہ 7 کروڑ روپے تھا۔جیسے ہی کرینہ کپور نے اپنے معاوضے میں اضاف کیا انہیں متعدد فلموں کی پیش کش موصول ہوئی ہے۔اطلاعات ہیں کہ کرینہ کپور جلد اکشے کمار کیساتھ کرن جوہر کی فلم میں بھی کام کرتی نظر آئیں گی۔علاوہ ازیں کرینہ کپور کو شاہ رخ خان کی آنے والی فلم ’’سلیوٹ‘‘ میں بھی کاسٹ کیے جانے کا امکان ہے۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے