Voice of Asia News

نک جونس اپنے والدین کے ہمراہ بھارت پہنچ گئے

ممبئی (وائس آف ایشیا)نک جونس اپنے والدین کے ہمراہ بھارت پہنچ گئے ،بالی ووڈ اداکارہ پریانکا چوپڑا اور امریکی گلوکارنک جونس کی منگنی کی تصدیق تو خود نک جونس نے کر دی مگراب باقاعدہ منگنی کی تقریب کی تیاریاں بھی ہو رہی ہیں ، اسی سلسلے میں نک جونز اپنے والدین کے ہمراہ بھارت پہنچ گئے ہیں جہاں پریانکا کے والدین پہلی بار نک کے والدین سے ملاقات کریں گے ۔صر ف یہی نہیں بلکہ پریانکا کی انگوٹھی بھی میڈیا پر زیر گردش ہے۔بھارتی میڈیا کے مطابق پریانکا چوپڑا کی انگلی میں موجود منگنی کی انگوٹھی توقع کے مطابق انتہائی قیمتی ہے۔پریانکا اورنک جونس کے پرستار سماجی میڈیا پر روینا ٹنڈن کا شکریہ ادا کرتے نظر آرہے ہیں کیونکہ ان کے ساتھ ہی لی گئی تصویر میں پریانکا پہلی باراپنی انگوٹھی منظر عام پر لاتی نظر آئی تھیں۔سفید نگینوں سے مزین اس خوبصورت انگوٹھی کی قیمت کا اندازہ لگاتے ہوئے بتایا کہ انگوٹھی میں جڑے ہیرے انتہائی قیمتی ہیں جس کی قیمت لگ بھگ دو کروڑ ہو سکتی ہے۔امریکی گلوکار 25 سالہ نک جونس نے اداکارہ سے منگنی کی مبہم انداز میں تصدیق کر دی۔اطلاعات ہیں کہ دونوں رواں ماہ منگنی کے بندھن میں بندھ جائیں گے، تاہم تاحال دونوں نے واضح طور پر کوئی بیان جاری نہیں کیا۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے