Voice of Asia News

چین اور ملائیشیا کا دوطرفہ تعلقات اور اقتصادی تعاؤن کے فروغ پر اتفاق

بیجنگ(وائس آف ایشیا) چین کے وزیر اعظم لی کیلیانگ نے کہا ہے کہ ملک ملائیشیا کے ساتھ دوطرفہ تعلقات اور اقتصادی تعاون کے فروغ کے لئے تیار ہیں ۔ ملکی خبررساں ادارے کے مطابق بیجنگ کے دورے پر آئے ہوئے ملائیشین ہم منصب مہاتیر محمد کے ساتھ مشترکہ پریس کانفرنس کرتے ہوئے چینی وزیر اعظم نے کہا کہ مہاتیر کے دورے پر طے پانے والے معاہدوں سے یہ بالکل واضح ہے کہ دونوں ممالک کے درمیان طویل عرصے تک دوستانہ تعلقات قائم رہیں گے ۔ اس موقع پر ملائشین وزیر اعظم مہاتیر محمد کا کہنا تھا کہ ان کا یہ دورہ انتہائی سود مند تھا اور وہ امید رکھتے ہیں کہ چین دونوں اطراف سے درپیش مسائل پر ہمدردی سے غور کرتے ہوئے ان کے حل کے لئے سنجیدہ رویہ اختیار کرے گا۔ انہوں نے کہا کہ کیکیانگ کے ساتھ انہوں نے اس بات پر اتفاق کیا کہ دونوں ممالک کے درمیان آزادانہ تجارت ہونی چاہئے تاہم اس کا طریقہ کار بالکل شفاف ہونا چاہئے ۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے