Voice of Asia News

طیب اردگان کا جائیداد کی خرید و فروخت ملکی کرنسی میں کرنے کا حکم

انقرہ(وائس آف ایشیا) ترکی کے صدر رجب طیب اردگان نے جائیداد کی خرید و فروخت کو ملکی کرنسی لیرا میں کرنے کا حکم جاری کردیا۔خبررساں ادارے کے مطابق صدارتی حکم نامے میں غیر ملکی کرنسیوں میں ہونے والے تمام پراپرٹی معاہدوں کو لیرا میں منتقل کرنے کے لیے 30 دن کی مہلت دی گئی ہے۔حکم نامے میں ریئل اسٹیٹ اور پراپرٹی ڈیلروں کو پابند کیا گیا ہے کہ جائیداد کی خرید وفروخت کے ساتھ ساتھ مکانات یا اپارٹمنٹس کے کرائے بھی ترک کرنسی میں طے کیے جائیں اور ان معاہدوں میں شامل تمام غیر ملکیوں کو بھی ترک لیرا  کا استعمال کرنے کی ہدایت کی گئی ہے عمومی طور ترکی میں ریئل اسٹیٹ کی خریدوفروخت اور کرائے کے معاہدے غیر ملکی کرنسیوں میں  کیے جاتے ہیں بالخصوص ریٹیل شعبے میں یہ رجحان زیادہ ہے۔

واضح رہے کہ رواں سال میں اب تک امریکی ڈالر کے مقابلے میں لیرا 40 فیصد تک اپنی قدر کھوچکا ہے جس سے ترک معیشت کو زبردست جھٹکا لگا ہے، ترک صدر نے لیرا کو مستحکم کرنے کے لیے کئی اقدامات اٹھائے ہیں اور یہ نیا حکم نامہ بھی ملکی کرنسی کو سہارا دینے کا ایک  اقدام ہے

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے