Voice of Asia News

جوڑوں سے نکاح نامہ مانگنے والے پولیس اہلکاروں کے خلاف سخت کارروائی کا حکم

کراچی( وائس آف ایشیا) پولیس چیف ڈاکٹر امیر شیخ نے جوڑوں سے نکاح نامہ مانگنے والے پولیس اہلکاروں کے خلاف سخت کارروائی کا حکم دے دیا اور تنبیہہ کی کہ سیر و تفریح کرنے والوں سےکوئی نکاح نامہ نہ مانگے۔تفصیلات کے مطابق پولیس چیف ڈاکٹر امیر شیخ نے پولیس اہلکاروں کو وارننگ دی ہے کہ کراچی میں سیر و تفریح کرنے والوں سےکوئی نکاح نامہ نہ مانگے، شہر میں جوڑوں سے نکاح نامہ طلب کرنے والے اہلکاروں کے خلاف سخت کارروائی ہوگی۔ڈاکٹر امیر شیخ نے کراچی کے تینوں زونز کے ڈی آئی جیز کو خط لکھا، جس میں ایسے اہلکاروں کے خلاف فوری کاروائی کی ہدایت کی گئی ہے۔خط میں کہا گیا ہے عام شکایت ہے کہ پولیس والے جگہ جگہ اور خاص طورپر پارکوں اورسی ویو پر نکاح نامہ طلب کرکے ہراساں کرتے ہیں۔عوامی شکایات پر کراچی پولیس چیف نے پولیس اہلکاروں کو تنبیہہ کی کہ جوڑوں سے میاں بیوی ہونے کا ثبوت مانگنے کی شکایت نہیں ملنی چاہیے، ساحل سمندر، کلفٹن، ڈیفنس یا دیگر تفریحی مقامات پر بلاوجہ شہریوں کو تنگ کیا تو سخت کارروائی کی جائے گی۔خیال رہے شہر بھر کے تفریحی مقامات پر جوڑوں کو یہی خوف رہتا تھا کہ ابھی کوئی اہلکار آئے گا اور نکاح نامہ مانگ کر ہراساں کرے گا۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے