Voice of Asia News

ایران اور روس تیل کی عالمی منڈی میں استحکام لائیں گے

ماسکو (وائس آف ایشیا) ایران کے وزیر پیٹرولیم نے اپنے دورہ ماسکو میں روس کے وزیر توانائی سے ملاقات اور تیل کی عالمی منڈی کی صورتحال پر تبادلہ خیال کیا ہے۔بیڑن نامدار زنگنے اور الیگزینڈر لوواک کے درمیان ہونے والی ملاقات میں توانائی اور ایندھن کے شعبوں میں تعاون کو مزید وسعت دینے بالخصوص اوپیک تنظیم کے فیصلوں کے مطابق عالمی تیل منڈی میں استحکام لانے کے لئے دوطرفہ تعاون بڑھانے پر اتفاق کیا گیا۔ایران اور روس کے وزرائے پیٹرولیم و توانائی نے تیل کی عالمی منڈی میں استحکام لانے اور عالمی سطح پر تیل کی ضروریات کو موثر انداز میں پورا کرنے کی راہوں کا بھی جائزہ لیا۔روس کے وزیر توانائی نے اس موقع پر کہا کہ ان کا ملک ایران کے ساتھ مسلسل رابطے میں ہے جس کا مقصد دونوں ممالک کے درمیان تجارتی اور معاشی سرگرمیوں بالخصوص توانائی کے شعبے میں دوطرفہ تعاون کو مزید بڑھانا ہے۔روس کے وزیر توانائی نے ایرانی وزیر تیل کے ساتھ ایک ملاقات میں کہا ہے کہ ان کا ملک اسلامی جمہوریہ ایران کے ساتھ مل کر تیل مارکیٹ میں استحکام کو یقینی بنانے کے لئے پُرامید ہے۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے