Voice of Asia News

تحریک انصاف کی حکومت ماحولیات کو اہم ترجیج دیتی ہے کی وائس آف ایشیا سے گفتگو،

اسلام آباد (وائس آف ایشیا) وفاقی وزیر اطلاعات و نشریات چوہدری فواد حسین نے کہا ہے کہ تحریک انصاف کی حکومت ماحولیات کو اہم ترجیج دیتی ہے، ماحول اور پانی حکومت کیلئے اہم ہیں، شالیمار کرکٹ گرائونڈ میں چیرٹی میچ پانی کیلئے کھیلا جا رہا ہے۔ وہ ہفتہ کو یہاں شالیمار کرکٹ گرائونڈ میں آمد پر میڈیا سے گفتگو کر رہے تھے۔انہوں نے کہا کہ وہ خود بھی پارلیمنٹرین الیون کا حصہ تھے، ٹیم میں ان کے علاوہ وزراء حکومت علی زیدی، شہریار آفریدی، اراکین اسمبلی علی اعوان، شیخ راشد شفیق، ڈپٹی سپیکر قاسم سوری کے علاوہ حامد میر، کاشف عباسی، ذیشان نقوی، عاصم رضا اور محمد مالک شامل تھے جبکہ پی سی بی الیون میں ذاکر خان، شعیب اختر، عمر گل، زلفی بخاری سمیت دیگر نمایاں تھے۔اس دوستانہ کرکٹ میچ کا اہتمام وزارت اطلاعات اور مارگلہ ٹینس و کرکٹ کلب کی جانب سے کیا گیا تھا جس کا مقصد وزیر اعظم و چیف جسٹس کے دیامیر، بھاشا و مہمند ڈیم فنڈ کیلئے پیسے اکھٹے کرنا تھا۔ اس موقع پر اراکین پارلیمنٹ اور سینئر اینکر کے درمیان دلچسپ او ر طنز و مزاح کا سلسلہ بھی جاری رہا۔ ایک موقع پر جبوزیر اطلاعات سے کہاگیا کہ وہ پارلیمنٹرین اور میڈیا اینکرز کے درمیان میچ رکھیں اور اس پر چوہدری فواد حسین نے جواب دیا کہ میڈیا اینکرز کے ساتھ تو روزانہ میچ ہوتا ہے۔انہوں نے کہا کہ آئندہ میچ کابینہ اور اپوزیشن کے درمیان ہوگا، ان سے جب پوچھا گیا کہ اگر انہیں بیٹنگ کا موقع ملا تو کیسی کارکردگی دکھائیں گے جس پر انہوں نے کہا کہ اگر انہیں موقع ملا تو وہ تباہی پھیر دینگے، سارا اپوزیشن کا غصہ یہاں نکالیں گے، انہوں نے کہاکہ اگر چیف جسٹس سپریم کورٹ یہاں موجود ہوتے تو انہیں بھی میچ کیلئے مدعو کیا جاتا۔ اس موقع پر ڈپٹی سپیکر قاسم سوری نے کہا کہ آج کا ایونٹ بہت اچھا اور زبردست ہے ، وہ کافی عرصہ بعد کرکٹ کھیلیں گے جبکہ وزیر مملکت برائے داخلہ شہریار آفریدی نے بھی ایونٹ کو ایک اچھی کاوش قرار دیا ۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے