Voice of Asia News

امید ہے نواز شریف ایک دو ماہ میں باہر آ جائیں گے ،خورشید شاہ

اسلام آباد( وائس آف ایشیا )پیپلزپارٹی کے سینئر رہنما خورشید شاہ نے کہا ہے کہ نوازشریف کے خلاف فیصلہ ناقابل ضمانت نہیں ان کے باہر آنے کے بعد ملا قات ہو گی ۔جمعہ کے روز صحافیوں سے مختصر بات چیت کرتے ہوئے خورشیدشاہ نے کہا کہ نیب دوسروں کو بلا رہا ہے توعمران خان کو بلانے پر جانا چاہئے،نیب کے بلانے پر عمران خان کاجانا بے عزتی نہیں ،منی بجٹ کے حوالے انہوں نے کہا کہ مہنگائی نے عوام کی کمر توڑ دی،حکومت منی بجٹ کے ذریعے ٹیکسوں کا نیا بوجھ ڈالے گی،رواں سال یہ تیسرا بجٹ ہوگا،حکومت پارلیمنٹ کے ذریعے عوام پربوجھ ڈالناچاہتی ہے،انہوں نے کہا کہ حکومت سپریم کورٹ کاحکم ماننے کوبھی تیارنہیں۔ایک سوال کے جو اب میں انہو ں نے کہا کہ امید ہے نوازشریف ایک دو ماہ میں باہرآجائیں گے آصف زرداری ، نوازشریف سے جیل میں ملاقات نہیں کرینگے ،نوازشریف جیل سے باہرآئیں گے تو ملاقات ہو گی۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے