Voice of Asia News

ملک میں ھیپاٹائٹس کے مریضوں میں اضافہ

اسلام آباد(وائس آف ایشیا) ملک میں ھیپاٹائٹس کے مریضوں میں اضافہ ہو رہا ہے ۔ پولی کلینک کے شعبہ انتقال خون نے گزشتہ سال 2018 ء کے دوران 1767 مریضوں کے خون کے نمونوں میں ھیپاٹائٹس بی اور سی وائرس کی تصدیق کی جبکہ ماہرین نے مہنگائی اقدامات کرنے کی ہدایت کر دی ہے ۔ میڈیا رپورٹس کے مطابق 1151 مریضوں کے خون کے نمونوں میں ہیپاٹائٹس بی کی موجودگی کی تصدیق ہوئی ۔ رپورٹس میں کہا گیا کہ گزشتہ سال پولی کلینک کے شعبہ انتقال خون نے ہیپاٹائٹس کا پتہ لگانے کے لئے 22550 مریضوں کے خون کے نمونے حاصل کئے جبکہ 4743 خون کے بیگز ہیپاٹائٹس بی اور سی کی تشکیل کے لئے سکرین کئے گئے ۔ دریں اثناء ہسپتال کے ترجمان ڈاکٹر شریف استوری نے کہا ہے کہ ہسپتال کا بلڈ بنک شہر میں مفت سروس فراہم کرنے کا ادارہ ہے انہوں نے کہا کہ ملک میں ھیپاٹائٹس کے مریضوں کی تعداد بڑھ رہی ہے اور اس پر قابو پانے کے لئے فوری اقدامات کرنا ہوں گے ۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے