Voice of Asia News

پاک بحریہ نے بحری مشق امن 19 کا خصوصی نغمہ ’ہم متحد‘ ریلیز کر دیا

کراچی ( وائس آف ایشیا ) پاک بحریہ نے کثیرالملکی بحری مشق امن 2019 کا خصوصی نغمہ ’ہم متحد‘ ریلیز کر دیا، یہ نغمہ دو زبانوں میں گایا گیا ہے۔تفصیلات کے مطابق ترجمان پاک بحریہ نے کہا ہے کہ کثیرالملکی بحری مشق امن 19 کا خصوصی نغمہ ’ہم متحد‘ ریلیز کر دیا گیا ہے، یہ نغمہ دو زبانوں میں گایا گیا۔ترجمان پاک بحریہ کا کہنا تھا کہ بحری مشق امن 19 کا یہ خصوصی نغمہ اردو اور انگریزی زبانوں میں گایا گیا ہے۔ترجمان نے کہا کہ اس خصوصی نغمے کے بول پاک بحریہ کی قیام امن کی کاوشوں کو اجاگر کرتے ہیں۔غیر ملکی بحری افواج کے شرکا کے لیے پاکستان کے خوب صورت مقامات کی عکاسی بھی نغمے کا حصہ ہے۔ترجمان پاک بحریہ نے بتایا کہ نغمے میں دیگر بحری افواج کی قیام امن کے لیے پاک بحریہ کی کاوشوں کا ساتھ دینے پر خراج تحسین بھی پیش کیا گیا ہے۔یاد رہے کہ پاک بحریہ کی جانب سے ملک میں چھٹی کثیرالقومی مشق امن رواں ماہ منعقد کی جا رہی ہے، اس مشق میں 45 ممالک شرکت کریں گے۔ترجمان پاک بحریہ کے مطابق کثیر القومی مشق امن کا انعقاد 2007 سے کیا جا رہا ہے، مشق میں عالمی بحری افواج امن کے حصول کے لیے ایک پلیٹ فارم پر جمع ہو کر مشترکہ آپریشنز کرنے اور تجربات کا تبادلہ کریں گی۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے