Voice of Asia News

ہانیہ عامر اور عاصم اظہر کی دوستی کے سوشل میڈیا پر چرچے

لاہور(وائس آف ایشیا)پاکستانی اداکارہ ہانیہ عامر اور گلوکار عاصم اظہر کی قربتیں بڑھنے لگیں اور ان کی محبت کی داستان زبان زدعام ہونے لگی ہے ،آج کل سوشل میڈیا پر ان دونوں کی دوستی کے حوالے سے بہت چرچا ہورہاہے۔کراچی میں فیشن پاکستان ویک کے ریمپ پر دونوں ایک ساتھ چلے تو مداح ان دونوں کی کیمسٹری دیکھ کر حیران رہ گئے۔ہانیہ عامر نے سرخ رنگ کا نہایت خوبصورت عروسی جوڑا زیب تن کیا تھاجبکہ عاصم اظہر کرتا پاجامہ اور ویسٹ کوٹ پہنے ہوئے تھے۔عاصم اظہر ریمپ پر گلوکاری بھی کررہے تھے جبکہ ان دونوں کے رومانوی انداز کاسوشل میڈیا پر خوب چرچا ہوا۔رواں سال ہانیہ عامر نے اپنی 22 ویں سالگرہ منائی تھی جس کی شاندار تقریب کا اہتمام عاصم اظہر نے کیا تھا، اس دوران عاصم اظہر پورے وقت ہانیہ کیساتھ نظر آئے جبکہ ان کی ویڈیو بھی سوشل میڈیا پر وائرل ہوئی تھی،متعدد مداحوں نے یہ بھی کہا کہ ان دونوں کا افیئر چل رہا ہے۔یہ دونوں ایک ساتھ متعدد ایونٹس میں بھی ساتھ شریک ہو ئے جبکہ دونوں اپنے اپنے سوشل میڈیا اکاؤنٹس پر بھی ایک دوسرے کے ساتھ تصاویر شیئر کررہے ہیں جنہیں دیکھ کر اندازہ ہورہا ہے کہ یہ دونوں واقعی ایک دوسرے کو کافی پسند کرتے ہیں۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے