Voice of Asia News

وزیر خارجہ نے پاکستان میں اسرائیلی پائلٹ کی موجودگی پر واضح جواب دے دیا

اسلام آباد ( وائس آف ایشیا) وزیر خارجہ نے پاکستان میں اسرائیلی پائلٹ کی موجودگی پر واضح جواب دے دیا۔ان کا کہنا ہے کہ پاکستان نے بھارتکے دو جہاز مار گرائے، بھارت نے اپنا ہیلی کاپٹر مارگرایا ہے، جس میں 6 لوگ مارے گئے تھے پاکستان کی حراست میں صرف ایک بھارتی پائلٹ تھا،اسرائیلی پائلٹ سے متعلق خبریں غلط ہیں۔تفصیلات کے مطابق وزیر خارجہ شاہ محمود قریشی کا کہنا ہے کہ بھارت سبکی کے بعد مس ایڈوینچر کی تیاری کر رہا ہے۔پاکستان کے پاس انٹیلی جنس اطلاعات ہیں۔امریکہ نے بھی کہہ دیا ہے کہ پاکستان کا جہاز جہاز گرانے کا بھارتی دعویٰ جھوٹا ہے۔میڈیا رپورٹس کے مطابق سینیٹر مشاہد حسین کی زیر صدارت قائمہ کمیٹی وزارت خارجہ کے اجلاس میں شاہ محمود قریشی نے کہا ہے کہ 30 مئی تک پاکستان کو الرٹ رہنے کی ضرورت ہے۔کرتار پور راہداری مذاکرات پر بھارت میں پاکستانی صحافیوں کو ویزے دینے سے انکار کیا۔بھارت تاریخ طے کر کے 2 اپریل کے مذاکرات سے بھاگ گیا۔شیری رحمان نے کہا کہ یو اے ای کی جیل میں پاکستانی سزا پوری کرنے کے باوجود قید ہیں۔ جس پر وزیر خارجہ کا کہنا تھا کہ سزا پوری کرنے والے قیدیوں کی واپسی کی کوششیں جاری ہیں۔سعودی عرب سے بات ہو چکی ہے ۔2107 قیدی رہا ہوں گے۔ رمضان میں متحدہ عرب امارات سے خوشخبری ملے گی۔وزیر خارجہ نے مزید کہا کہ وزیراعظم کی مودی حکومت سے متعلق بیان پر تحفظات سے آگاہ کروں گا۔بھارت کو ڈوزئیر میں جو معلومات فراہم کیں اس میں کچھ نیا نہیں تھا۔پاکستان میں بھارت کے دو جہاز مار گرائے بھارت نے اپنا ہیلی کاپٹر مارگرایا ہے، جس میں چھ لوگ مارے گئے تھے پاکستان کی حراست میں صرف ایک بھارتی پائلٹ تھا اسرائیلی پائلٹ سے متعلق خبریں غلط ہیں۔

image_pdfimage_print

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے