Voice of Asia News

بھارت میں انتخابات: گوگل نے خصوصی ڈوڈل جاری کردیا

اسلام آباد( وائس آف ایشیا )گوگل نے ووٹرز کے لحاظ سے دنیا کے سب سے بڑے ملک بھارت میں ہونے والے 17 ویں لوک سبھا یعنی ایوان زیریں کے انتخابات کے موقع پر خاص ڈوڈل جاری کردیا۔گوگل بھارت سمیت دنیا کے بہت سارے ممالک میں خاص دنوں اور اہم مواقع پر خصوصی ڈوڈل جاری کرتا ہے۔گوگل گزشتہ کئی سال سے دنیا بھر میں ہونے والے انتخابات کے موقع پر خصوصی ڈوڈل جاری کرتا آر ہا ہے۔گوگل نے حال ہی میں تھائی لینڈ میں ہونے والے انتخابات کے موقع پر بھی ایسا ہی ڈوڈل جاری کیا تھا۔گوگل نے اسرائیل میں ہونے والے انتخابات کے دوران بھی خصوصی ڈوڈل جاری کیا تھا۔جب کہ گوگل پاکستان میں بھی مختلف مواقع پر ڈوڈل جاری کرتا رہتا ہے، تاہم گزشتہ برس جولائی میں ہونے والے عام انتخابات کے موقع پر گوگل نے ڈوڈل جاری نہیں کیا تھا۔پاکستان میں 2018 تک 8 کروڑ سے زائد رجسٹرڈ ووٹر تھے اور گزشتہ برس ماضی کے مقابلے ووٹنگ کا ٹرن آٹ بھی زیادہ رہا تھا۔ تاہم اس کے باوجود گوگل نے ڈوڈل جاری نہیں کیا تھا۔گوگل انڈیا نے 11 اپریل کو بھارت میں ہونے والے لوک سبھا کے انتخابات کے پہلے مرحلے کے موقع پر خصوصی ڈوڈل جاری کیا۔بھارت میں لوک سبھا کے انتخابات آئندہ 6 ہفتوں تک جاری رہیں گے اور وہاں ووٹنگ کا عمل 7 مرحلوں میں ہوگا، جس میں سے پہلا مرحلہ آج مکمل ہو رہا ہے۔a

image_pdfimage_print
شیئرکریں
  •  
  •  
  •  
  •  
  •  
  •  
  •  
  •  
  •  
  •