Voice of Asia News

گلامورگن نے فخر زمان کی خدمات حاصل کر لیں

لندن( وائس آف ایشیا)برطانیہ کی گلامورگن کاؤنٹی کرکٹ کلب نے پاکستان کے سلامی بلے باز فخر زمان کو ٹی ٹوئنٹی بلاسٹ ٹورنامنٹ کے لئے اپنی ٹیم میں شامل کر لیا ہے۔29 سالہ بلے باز گلامورگن کے لئے ابتدائی آٹھ میچوں میں کھیلیں گے، انہیں آسٹریلیا کے شان مارش کی جگہ بطور متبادل منتخب کیا گیا ہے۔شان مارش عالمی کپ کے مقابلوں کے دوران انجری کا شکار ہو گئے تھے۔فخر زمان نے اپنے ٹی ٹوئنٹی کریئر میں 89 میچز کھیلے ہیں، جس میں 30 انٹرنیشنل ٹی ٹوئنٹی میچز بھی شامل ہیں۔انہوں نے 140کے اسٹرائک ریٹ کے ساتھ 28 کی اوسط سے 2300رنز بنائے ہیں۔اس موقع پر گفتگو کرتے ہوئے انہوں نے کہا کہ گلامورگن کی ٹیم میں شمولیت سے بہت خوش ہوں اور میں کارڈف کے میدان میں کھیلنے کے لئے تیار ہوں۔انہوں نے کہا اس میدان میں میری بہت اچھی یادیں وابستہ ہیں، یہاں پر ہم نے چیمپئن ٹرافی کا سیمی فائنل جیتا تھا۔ان کا مزید کہنا تھا کہ گلامورگن بلاشبہ ایک بڑا کرکٹ کلب ہے، امید کرتا ہوں کہ میں اس کی جیت میں اہم کردار ادا کرسکوں۔گلامورگن کرکٹ کلب کے ڈائریکٹر مارک وِلس نے کہا کہ شان مارش کی عدم دستیابی سے مایوسی ہوئی تاہم فخر زمان کی ٹیم میں شمولیت ایک اچھی خبر ہے۔
وائس آف ایشیا16جولائی 2019 خبر نمبر77

image_pdfimage_print
شیئرکریں
  •  
  •  
  •  
  •  
  •  
  •  
  •  
  •  
  •  
  •