Voice of Asia News

مقبوضہ کشمیرمیں بھارتی فوج کی ریاستی دہشتگردی،نوجوان شہید

سرینگر(وائس آ ف ایشیا)مقبوضہ کشمیرمیں بھارتی فورسزنے ریاستی دہشتگردی کرتے ہوئے نوجوان کوشہید کردیا۔کشمیری میڈیا کے مطابق قابض بھارتی فوجیوں نے بارہ مولا کے علاقے میں فائرنگ کرکے نوجوان کوشہید کردیا۔ بھارتی فورسزنے نوجوان کوحریت پسند تنظیم کا کارکن ہونے کا الزام لگا کرجعلی مقابلے میں شہید کیا۔بھارتی فورسزنے بارہ مولا کا محاصرہ کرلیا اورگھرگھرتلاشی میں متعدد نوجوانوں کوگرفتارکرلیا۔ نوجوان کی شہادت کے بعد بھارتی مظالم کیخلاف احتجاج کرنے والے سیکڑوں افراد پربھارتی فوجیوں نے تشدد کیا جس کے باعث کئی افراد زخمی ہوگئے۔بارہ مولا اورنواحی علاقوں کا محاصرہ جاری ہے اورموبائل اورانٹرنیٹ سروس بھی بند ہے۔بھارتی فورسزنے لوگوں کوگھروں سے باہر نہ نکلنے کی ہدایت کی ہے۔قابض بھارتی فوج کا نام نہاد آپریشن جاری ہے۔

image_pdfimage_print
شیئرکریں