Voice of Asia News

شان مسعود کاؤنٹی چیمپئن شپ میں چھا گئے

لاہور(وائس آ ف ایشیا)شان مسعود جاتے ہی کاؤنٹی چیمپئن شپ میں چھاگئے جب کہ ابتدائی 3 میچز میں نامی گرامی بیٹرز کو پیچھے چھوڑ دیا۔ پاکستانی اوپننگ بیٹر شان مسعود کو اپنے دوسرے وطن انگلینڈ کی کنڈیشنز خوب راس آرہی ہیں، وہ وہاں پر جاتے ہی چھا گئے، ڈربی شائر کی جانب سے صرف 2 میچز میں انھوں نے 152.75 کی اوسط سے 611 رنز سکور کردیے، اس دوران شان نے 2 ڈبل سنچریاں اور 2 ففٹیز بنائیں، اس کا اب تک سب سے بہتر سکور 239 رنز رہا۔اس فہرست میں دوسرے نمبر پر موجود سسیکس کے ٹی جے ہینز نے 3 میچز میں 393 رنز سکور کیے ہیں، سسیکس کی ہی نمائندگی کرنے والے بھارت کے چتیشور پجارا نے 2 میچز میں 328 رنز بنائے، انھوں نے ایک ناقابل شکست ڈبل سنچری بھی سکور کی۔ دوسری جانب بولنگ کے محاذ پر ایک اور پاکستانی حسن علی بھی صلاحیتوں کے خوب جوہر دکھا رہے ہیں۔انھوں نے لنکاشائر کی جانب سے گلوسٹرشائر کے خلاف گزشتہ میچ میں 44.1 اوورز کے دوران 96 رنز دے کر 9 وکٹیں لیں، اب تک 2 میچز میں وہ 14 شکار کے ساتھ فہرست میں چوتھے نمبر پر براجمان ہیں، ٹاپ پر موجود سمرسٹ کے کریگ اوورٹن نے 2 میچز میں 16 وکٹیں لی ہیں، ہیمپشائر کے بارکیر نے 15 کھلاڑیوں کو آؤٹ کیا۔انھوں نے 3 میچز کھیلے، سرے کے جو کلارک بھی 3 ہی میچز میں 15 وکٹیں لے کر تیسرے نمبر پر موجود ہیں، اتنے ہی مقابلوں میں 14 وکٹیں لینے والے پیٹرسڈل کا پانچواں نمبر ہے۔ پاکستان کے محمد عباس 3 میچز میں 10 شکار کے ساتھ 11ویں نمبر پر موجود ہیں، ان کے بعد ظفر گوہر ہیں، انھوں نے گلوسٹرشائر کی جانب سے 3 میچز میں 10 وکٹیں لیں۔ یارکشائر کی نمائندگی کرنے والے حارث رؤف نے 2 میچز میں اب تک 9 کھلاڑیوں کو پویلین بھیجا ہے۔

image_pdfimage_print
شیئرکریں