Voice of Asia News

بابر اعظم اس وقت عالمی کرکٹ میں بہترین بلے باز ہیں: ڈینیل ویٹوری

لاہور (وائس آ ف ایشیا) پاکستان کے کپتان بابر اعظم کو تمام فارمیٹس میں اپنی شاندار فارم کے باعث کرکٹ برادری کی جانب سے پذیرائی مل رہی ہے۔ نیوزی لینڈ کے سابق کپتان ڈینیئل ویٹوری نے کرکٹ ویب سائف ’کرک انفو‘ کے لیے انسٹاگرام پر سوال و جواب کے سیشن میں بات چیت کرتے ہوئے بابر اعظم کو اس وقت دنیا کا بہترین بلے باز قرار دیا۔43 سالہ لیجنڈری لیفٹ آرم سپنر کے مطابق بابر اعظم آسٹریلیا کے خلاف تاریخی سیریز کے دوران اپنی شاندار پرفارمنس کے ساتھ اس وقت سب سے زیادہ ان فارم بلے باز ہیں۔ ڈینیئل ویٹوری نے کہا کہ کھیل کے مختلف فارمیٹس کو دیکھتے ہوئے مجموعی طور پر کچھ کہنا مشکل ہے لیکن اس وقت بابر اعظم آسٹریلیا کے خلاف سیریز کے بعد سب سے زیادہ ان فارم بلے باز ہیں۔یاد رہے کہ بابر اعظم نے آسٹریلیا کے خلاف ہوم گراؤنڈ پر مثالی اننگز کھیلی تھی۔ انہوں نے کراچی ٹیسٹ میں میچ بچانے والی 196 رنز بنائے اور اس کے بعد آخری ٹیسٹ میں دو نصف سنچریاں بنائیں۔ ون ڈے رینکنگ میں پہلے نمبر پر موجود بلے باز نے آخری دو ون ڈے میچوں میں دو سنچریاں بنائیں جس سے پاکستان نے سیریز جیت لی۔ انہوں نے واحد ٹی ٹونٹی میں بھی نصف سنچری سکور کی۔                                                                                                                                                                                          
image_pdfimage_print
شیئرکریں