سٹار اور شہرت یافتہ ہونا دو مختلف چیزیں ہیں، معروف اداکارہ کاجول

ممبئی(وائس آف ایشیا )بالی وڈ کی معروف اداکارہ کاجول نے کہا کہ لفظ سٹار اور شہرت دو مختلف چیزیں ہیں اور ان دونوں کو ایک ساتھ جوڑا نہیں جا سکتا. اداکاری اپنانے کا کبھی نہیں سوچا تھا یہ ازخود ہو گیا۔بھارتی میڈیا رپورٹس کے مطابق اداکارہ کاجول کا ایک انٹرویو میں کہنا تھا کہ بالی وڈ میں بہت سے ایسے افراد ہیں جو مشہور تو بہت ہیں لیکن ان میں سے چند ہی سٹارز ہیں۔ اداکارہ کا کہنا تھا کہ پہلے ان دونوں چیزوں کو ایک ساتھ استعمال کیا جاتا تھا تاہم آج کے دور میں یہ دو مختلف چیزیں ہو گئی ہیں۔کاجول کا اپنے کیریئر کے حوالے سے کہا ہے کہ بالی و وڈ میں میر ے کام کی ابتدا اچھی نہیں رہی، یہاں تک کہ میری پہلی فلم بھی ناکام رہی۔ درحقیقت میں نے کبھی بھی اداکاری کو اپنانے کا نہیں سوچا تھا لیکن یہ ازخود ہو گیا اور پھر میں آگے بڑھتی گئی۔




بونی کپور بیٹی جھانوی سے زیادہ سارہ علی خان کو توجہ ملنے پر ناراض

ممبئی(وائس آف ایشیا ) بالی ووڈ پروڈیوسر بونی کپور اپنی بیٹی جھانوی کپور سے زیادہ سیف علی خان کی بیٹی سارہ کو میڈیا پر توجہ ملنے پر ناراض ہوگئے۔پروڈیوسر بونی کپور اور آنجہانی اداکارہ سری دیوی کی بیٹی جھانوی کپور اور سیف علی خان اورامریتا سنگھ کی بیٹی سارہ علی خان کو بالی ووڈ کی مستقبل کی اسٹارز کہاجارہا ہے، دونوں اداکاراں نے گزشتہ برس بالی ووڈ میں انٹری دی تھی اوراپنی فلموں کی ریلیز سے قبل ہی خوب شہرت حاصل کی۔تاہم جہاں دونوں اداکاراں نے مقبولیت حاصل کی وہیں میڈیا پر سارہ اور جھانوی کے درمیان مقابلے کی خبریں بھی گردش میں رہیں اور یہ سلسہ آج بھی جاری ہے۔ سوشل میڈیا پر بھی دونوں کے مداح اپنی پسندیدہ اداکارہ کو دوسری سے بہتر قرار دینے کی کوشش کرتے رہتے ہیں۔جھانوی گزشتہ برس صرف ایک فلم دھڑکمیں نظر آئی تھیں جب کہ سارہ علی خان نے دو فلموں کیدار ناتھاورسمبامیں اداکاری کے جوہر دکھائے۔ سمباگزشتہ برس کی سپر ہٹ فلموں میں سے ایک تھی یہی وجہ ہے سارہ کو میڈیا پر جھانوی سے زیادہ مقبولیت ملی اوراسی بات کو لے کر جھانوی کے والد بونی کپور پریشان ہوگئے ہیں۔بھارتی میڈیا کے مطابق بونی کپور نے جھانوی کپور کی پی آرٹیم پر غصہ کرتے ہوئے کہا ہے کہ ابھی تک میڈیا پر دونوں کے درمیان مقابلہ کیوں کیاجارہاہے۔ صرف یہی نہیں بلکہ بونی کپور اس بات سے بھی پریشان ہیں کہ سارہ کو فلم سمباکی کامیابی کی وجہ سے بہت زیادہ مقبولیت حاصل ہوئی ہے اور اسی وجہ سے ان کی بیٹی جھانوی کی مقبولیت میں کمی واقع ہوسکتی ہے۔




مصروفیات کے باوجود ناشتہ چھوڑنا مناسب نہیں سمجھتی‘ اداکارہ ایما واٹسن

نیویارک (وائس آف ایشیا) فلم ہیری پورٹر کے ذریعے کم عمری میں ہی شہرت کی بلندیوں کو چھونے والی، نوجوانوں میں مقبول ہالی ووڈ اداکارہ’’ ایماواٹسن‘‘ خوبصورتی کا پیکر اورحسن ونزاکت سے بھرپورہیں۔ دنیا کی خوبصورت خواتین میں شامل ایماواٹسن مصروفیات کے باوجود ناشتہ چھوڑنا مناسب نہیں سمجھتی۔ناشتے سے متعلق ایما کا کہنا ہے کہ اپنا ناشتہ وہ خود بناتی ہیں، انڈے سے منفرد انداز میں تیار کی گئی روٹی ایماواٹسن کی پسندیدہ ہے۔ایما کا کہنا ہے کہ وہ انڈے پھینٹ کر سالسہ اورGUACOMOLE (ایواکاڈو، لیموں کا رس اور سمندری نمک سے تیار کردہ روٹی) خود تیار کرتی ہیں، یہی ان کا ناشتہ ہے، جو اگرچہ سادہ ہے لیکن بے حد لذیذ ہوتا ہے۔




صحت مند غذا ہی صحت مند زندگی کی ضمانت ہے‘شلپا شیٹھی

ممبئی(وائس آف ایشیا) انسٹاگرام پر 6ملین مداح اور لاجواب خوبصورتی رکھنے والی شلپا شیٹھی نہ صرف اداکاری بلکہ فٹنس روٹین کے حوالے سے بھی خاصی مقبول ہیں۔ فٹنس ایکسرسائز ہوں یا بیوٹی سیکریٹس، شلپا کے مداح ان کی ایک ایک پوسٹ کا لمحہ لمحہ انتظار کرتے ہیں اور جب بات ہو شلپا کی بریک فاسٹ روٹین کی تو ان کی صبح کا آغازگرم پانی اور ایک پلیٹ کٹے ہوئے پپیتے (لیموں کے ساتھ ) سے ہوتا ہے۔اس کے علاوہ شلپا ہفتے کے سات دن ناشتے میں مختلف ہرے اور لال جوس استعمال کرتی ہیں۔ان مختلف پھلوں اور سبزیوں سے نکالے گئیجوسز میں ریڈ جوس (انار،سیب ،گاجر،چقندر،ٹماٹر) اور گرین جوس (کھیرے اور پالک) شامل ہیں۔ ساتھ ہی دلیہ، دو اُبلے یا آدھے اُبلے ہوئے انڈے یا پھر آملیٹ کھانا بھی ان کے پسندیدہ ناشتے میں شامل ہے۔شلپا فٹنس کے حوالے سے خواتین کو مشورہ دیتے ہوئے کہتی ہیں، ’’آپ اپنی سوچوں کو محدود نہیں کریں بلکہ صحت مند زندگی گزارنے کے لئے اچھی غذا کھانے کو اپنی عادت بنائیں۔ اس کے ساتھ ہی ورک آؤٹ کو روز مرہ کا معمول بنائیں ،کیونکہ صحت مند غذا ہی صحت مند زندگی کی ضمانت ہے۔




فلم ’’گڈ نیوز‘‘ کے دوسرے شیڈول کی عکسبندی 27 جنوری سے شروع

ممبئی(وائس آف ایشیا)بالی وڈ اداکار اکشے کمار اور کرینہ کپور خان فلم ’’گڈ نیوز‘‘ کے دوسرے شیڈول کی عکسبندی 27 جنوری سے شروع کریں گے۔بھارتی ذرائع ابلاغ کے مطابق راج مہتا کی ہدایت کاری میں بننے والی فلم ’’گڈ نیوز‘‘ اداکار اکشے کمار، کرینہ کپور خان، دلجیت دوسنجھ اور کیارا ایڈوانی مرکزی کردار ادا کر رہے ہیں جس کے دوسرے شیڈول کی عکسبندی رواں ماہ کے آخری ہفتے میں ممبئی میں شروع کی جائے گی اور اداکار اکشے کمار 27 جنوری کو کرینہ کپور خان کو جوائن کریں گے۔




18 سالہ حسینہ نے مس بلجیم کا تاج سر پر سجالیا

برسلز(وائس آف ایشیا) بلجیم کے دار الحکومت برسلزمیں51ویں سالانہ مقابلہ حسن کا انعقادکیا گیا،مقابلے میں شرکت کرنے کیلئے ملک کے مختلف حصوں سے آنیوالی 30حسیناؤں نے حصہ لیا۔مختلف راؤنڈز میں تقسیم اس مقابلے کے فائنل راؤنڈ کیلئے 8 حسیناؤں کا انتخاب کیا گیا جبکہ ججز اور حاضرین کے متفقہ ووٹ کے بعد 18سالہElena Castro Suarezنامی حسینہ نے’مس بلجیم2019‘کا ٹائٹل حاصل کرکے تاج اپنے سر پر سجا لیا۔مقابلہ حسن میں حاضرین کی بھی بڑی تعداد نے شرکت کی جبکہ ٹیلی وڑن پر لاکھوں افراد نے یہ ایونٹ براہ راست دیکھا۔




حجاب میں جو خوبصورتی ہے وہ ہمارے دین کا حصہ بھی ہے ‘اداکارہ نور

لاہور (وائس آف ایشیا) اداکارہ نور نے کہا ہے کہ حجاب میں جو خوبصورتی ہے وہ ہمارے دین کا حصہ بھی ہے ،میں اپنی تمام بہنوں سے یہی کہوں گی کہ وہ حجاب کا استعمال شروع کر دیں۔انہوں نے ایک انٹرویو کے دوران کہا کہ بے پردگی کی وجہ سے معاشرے میں بے راہ روی فروغ پاتی ہے ،جب خواتین نے ایک ڈھال کا سہارا لیا ہو تو کسی کی میلی نظر اس طرف نہیں جاتی۔ انہوں نے کہا کہ جب تک میں شوبز کی رنگینی دنیا میں تھی تو اس وقت مجھے ان باتوں کا زیادہ احساس نہیں تھا مگر اب جب خدا کی رحمت سے روحانیت کی طرف مائل ہوئی تو عورت کی قدرتی شرم و حیاء کا بھرپور احساس ہوا ۔




مہوش حیات کی پہلی ویب سیریز عنایہ کا ٹریلرجاری

لاہور(وائس آف ایشیا)پاکستانی ا داکارہ مہوش حیات کی پہلی ویب سیریز عنایہ کا ٹریلرجاری کردیا گیا جس میں انہیں گلوکارہ کے طور پر دکھایا گیا ہے۔فلم کراچی سے لاہور اور لاہور سے آگے جیسی کامیاب فلمیں بنانے والے وجاہت روف نے ویب سیریز بنائی ہے۔ جس میں مہوش حیات اور اظفر رحمان نے مرکزی کردار نبھایا ہے۔ویب سیریز کی دیگر کاسٹ میں گل رعنا، رباب ہاشم، اسد صدیقی اور شان بیگ سمیت دیگر اداکار شامل ہیں۔ٹریلرمداحوں کی جانب سے کافی پسند کیا جا رہا ہے۔مہوش حیات اب گلوکاری بھی کریں گی۔ٹریلر میں دیکھاجاسکتا ہیکہ یہ ایک کالج کے دوستوں کی کہانی ہے، جن کا ایک میوزک بینڈ ہے اور جب یہ بینڈ مشکل کا شکار ہوگا تو عنایہ (مہوش حیات) لیڈ سنگر کے طور پر اس کو سہارا دیں گی۔ ویب سیریز کا ٹائٹل گیٹ خود مہوش حیات نے گایا ہے۔ویب سیریز رواں ماہ 21 جنوری سے ریلیز کی جائیں گی۔




مجھے ہراساں کیا گیا تو سب کو تباہ کردوں گی، کنگنا رناوت

ممبئی(وائس آف ایشیا)ناموربالی ووڈ اداکارہ کنگنا رناوت نے اپنی فلم منی کارنیکا؛ کوئین آف جھانسی پراعتراض اٹھانے والوں اورخود کو ہراساں کرنے والوں کو دھمکی دیتے ہوئے کہا ہے کہ اگر انہیں ہراساں کیا گیا تو وہ سب کو تباہ کردیں گی۔بھارت میں راجپوتوں کی تنظیم شری کرنی سینا نے اداکارہ کنگنا رناوت کی فلممنی کارنیکا؛ کوئین آف جھانسی پراعتراض اٹھاتے ہوئے فلم کے ہدایت کار، پروڈیوسر اورلکھاری کو ایک خط بھیجا ہے جس میں لکھا گیا ہے اگرفلم میں رانی لکشمی بائی کی شخصیت کو بگاڑ کرپیش کیا گیا یا انہیں بدنام کیا گیا تو انہیں ہماری طرف سے احتجاجی مظاہرے کا سامنا کرنا پڑے گا۔میڈیا رپورٹس کے مطابق فلم میں رانی لکشمی بائی کو ایک انگریز کے ساتھ رومینس کرتے دکھایا گیا ہے اس کے علاوہ فلم میں رانی لکشمی کا ایک ڈانس بھی شامل ہے یہی وجہ ہے کہ کرنی سینا نے فلم پر اعتراض اٹھایا ہے اور ریلیز سے قبل خود فلم دیکھنے کا مطالبہ کیا ہے۔ اداکارہ کنگنا رناوت نے کرنی سینا کی دھمکی پرردعمل دیتے ہوئے کہا ہے کہ وہ انہیں فلم کے حوالے سے ہراساں کرنے والے تمام افراد کو تباہ کردیں گی۔ کنگنا نے مزید کہا چارمورخین نے ہماری فلم کو سرٹیفیکیٹ جاری کیا ہے اس کے علاوہ ہمیں سنسر بورڈ سے بھی کلیئرنس سرٹیفیکیٹ ملا ہے اور کرنی سینا اس بات سے آگاہ ہے اس کے باوجود وہ لوگ مسلسل مجھے فلم کے حوالے سے ہراساں کررہے ہیں، اگر ان لوگوں نے مجھے ہراساں کرنا بند نہیں کیا تو انہیں اچھی طرح یہ بات معلوم ہونی چاہیے کہ میں بھی راجپوت ہوں اورمجھے ہراساں کرنے والے تمام افراد کو تباہ کردوں گی۔




رنویرسنگھ نے شادی کے بعد دپیکا کے گھرمنتقل ہونے کی وجہ بتادی

ممبئی(وائس آف ایشیا)گزشتہ برس شادی کے بندھن میں بندھنے والے بالی ووڈ اداکار رنویرسنگھ نے شادی کے بعد اپنے گھر میں رہنے کے بجائے اپنی اہلیہ دپیکا پڈوکون کے گھر میں منتقل ہونے کی وجہ بتادی۔یہ رواج عام ہے کہ شادی کے بعد لڑکی اپنے والدین کا گھرچھوڑ کر اپنے شوہر کے گھر منتقل ہوجاتی ہے تاہم رنویر سنگھ اور دپیکا پڈوکون کے معاملے میں اس کے بالکل برعکس ہوا ہے۔ شادی کے بعد دپیکا کے بجائے رنویر سنگھ اپنی اہلیہ کے گھر منتقل ہوگئے ہیں۔ حال ہی میں دئیے گئے ایک انٹرویو میں رنویرسنگھ نے دپیکا کے گھرمنتقل ہونے کی وجہ بتاتے ہوئے کہا کہ بچپن سے ہی انہوں نے شادیاں دیکھیں اور محسوس کیا کہ لڑکی کا لڑکے کے گھرمیں منتقل ہونا ضروری نہیں، اس کے علاوہ رنویرنہیں چاہتے تھے کہ دپیکا کو ان کے کمفرٹ زون (آرام دہ جگہ)سے باہرنکالیں۔ رنویرکے نزدیک دپیکا اوران کا آرام ان کی پہلی ترجیح ہے لہذا وہ دپیکا کے بجائے خود ان کے گھرمیں شفٹ ہوگئے۔




کترینہ کیف نے خصوصی گانے کیلئے اصطلاح آئٹم سانگ کو غلط قرار د یدیا

ممبئی (وائس آف ایشیا )بالی وڈ اداکارہ کترینہ کیف نے آئٹم سانگ کی اصطلاح کو غلط قرار دے دیا۔ بھارتی ذرائع ابلاغ کے مطابق اداکارہ کترینہ کیف نے کہا کہ وہ آئٹم سانگ کی اصطلاح پر متفق نہیں ہیں اس کے لئے کوئی متبادل لفظ کا استعمال ہونا چا ہیے۔ا نہوں نے کہا ہے کہ ڈانس میں میری آئیڈل آنجہانی اداکارہ سری دیوی، مادھوری ڈکشت، میڈونا اور بیونس ہیں اور اگر آپ کبھی بی یونس کے کنسرٹ میں جائیں تو آپ دیکھیں گے کہ وہ کیسے خود کی نمائندگی کرتی ہیں، یہ خواتین کے لئے قابل اعتراض نہیں ہے کہ وہ خود کو بااختیار ہونے کا اظہار کریں یہ تو خوبصورت چیز ہے، یہ غلط نہیں ہے کہ اس کو آئٹم کہا جائے۔




انوشکا شرما پر تمباکو کے اشتہار میں کام کرنے پر سوشل میڈیا صارفین کی جانب سے شدید تنقید

ممبئی(وائس آف ایشیا )نامور بالی وڈ اداکارہ انوشکا شرما کو تمباکو کے اشتہار میں کام کرنے پر سوشل میڈیا صارفین کی جانب سے شدید تنقید کا نشانہ بنایا جا رہا ہے۔انوشکا شرما نے دو روز قبل اپنے سوشل میڈیا اکانٹ پر ایک ویڈیو شیئر کی جس میں وہ تمباکو کے اشتہار میں کام کرتی نظر آرہی ہیں۔ ایک صارف نے لکھا انوشکا اپنے شوہر ویرات کوہلی سے کچھ سیکھ لو کیونکہ وہ کسی بھی ایسے برانڈ کے اشتہار میں کام کرنے سے صاف انکار کر چکے ہیں جو صحت کیلئے نقصان دہ ہے۔ایک اور صارف نے لکھا کہ انوشکا کو اس اشتہار میں کام کرتے دیکھ کر شدید صدمہ ہوا۔ کینسر سوسائٹی نامی سوشل میڈیا اکاونٹ کی جانب سے لکھا گیا کہ انوشکا کو مزید انسانوں کو قتل کرنے کیلئے استعمال کیا جا رہا ہے۔




پاکستانی اداکارہ ایمان علی بھی شادی کی تیاریوں میں مصروف

کراچی (وائس آف ایشیا)نامورپاکستانی ماڈل و اداکارہ ایمان علی بہت جلد شادی کے بندھن میں بندھنے والی ہیں۔سال 2018 شوبزاسٹارز کی شادیوں کے حوالے سے کافی مقبول رہا، گزشتہ برس پاکستان اوربھارت کے کئی نامور اداکار شادی کے بندھن میں بندھے اوراب سال 2019 کی ابتدا میں پاکستان کی خوبرو ماڈل اوراداکارہ ایمان علی شادی کے بندھن میں بندھنے جا رہی ہیں۔ایمان علی کی شادی کی اطلاع نامور پاکستانی ڈیزائنر حسن شہریار یاسین(ایچ یس وائے)نے انسٹاگرام پر ایک ویڈیو پیغام کے ذریعے دی۔ ویڈیومیں حسن شہریار ایمان علی کے گھر میں نظر آرہے ہیں جہاں ڈھولکی کی تیاریاں چل رہی تھیں۔ ایمان علی کی شادی کی خبر دیکھتے ہی دیکھتے جنگل کی آگ کی طرح پھیل گئی اور ایمان کے مداحوں کی جانب سے انہیں مبارکباد کے پیغامات دئیے گئے۔ویڈیو کے سوشل میڈیا پر وائرل ہونے کے تھوڑی دیر بعد ہی ایمان علی نے اپنے انسٹاگرام اکانٹ پر ایک تصویر شیئر کی جس میں انہوں نے بابر بھٹی نامی شخص کے ساتھ اپنی سیلفی شیئرکی اوراس کے ساتھ لکھا یہی ہے وہ تاہم ایمان علی نے اس بات کی تصدیق نہیں کی کہ وہ بابر بھٹی سے ہی شادی کررہی ہیں یا وہ صرف ان کے دوست ہیں۔واضح رہے کہ 38 سالہ ایمان علی کاشمار نا صرف پاکستان شوبز انڈسٹری کی کامیاب ماڈلز میں ہوتا ہے بلکہ وہ خدا کے لیے، بول اورماہ میرجیسی کامیاب فلموں میں بھی کام کرچکی ہیں۔




ارشد وارثی نے سارہ لورین کو دھوکے باز قرار دے دیا

ممبئی(وائس آف ایشیا )نامور بالی ووڈ اداکار ارشد وارثی نے پاکستانی اداکارہ سارہ لورین کو دھوکے باز قرار دے دیا۔ نامور بالی ووڈ اداکار ارشد وارثی ان دنوں اپنی فلمفراڈ سیاں کی تشہیر میں مصروف ہیں جس میں ان کے ساتھ پاکستانی اداکارہ سارہ لورین مرکزی کردار اداکررہی ہیں۔ حال ہی میں دئیے گئے ایک انٹرویو میں ارشد وارثی نے فلم کی مرکزی اداکارہ سارہ لورین کو فراڈیعنی دھوکے باز قرار دے دیا۔ارشد وارثی نے سارہ کو دھوکے باز قراردینے کی وجہ بتاتے ہوئے کہا جب ہم ساتھ کام کررہے تھے اس وقت میں سمجھتا تھا کہ سارہ کا تعلق پاکستان سے نہیں بلکہ مسقط سے ہے میں نے اس بارے میں ایک بار ان سے پوچھا بھی تھا تو انہوں نے مجھے گول مول جواب دیتے ہوئے بات کو ٹال دیا تھا۔ارشد وارثی تو ان دنوں فلم فراڈ سیاں کی تشہیر میں مصروف ہیں لیکن سارہ لورین بھارت کا ویزہ نہ ملنے کی وجہ سے تشہیری مہم میں حصہ نہیں لے پارہی ہیں۔ سارہ نے بھارتی ویزے کی درخواست بھی دی تھی لیکن تین بار اسے مسترد کردیاگیا۔ارشد وارثی نے سارہ کو بھارتی ویزہ نہ ملنے پر افسوس کااظہار کیا اور امید ظاہر کی کہ سارہ کو جلد ویزہ مل جائے تاکہ وہ فلم کی تشہیر میں حصہ لے سکیں۔ سارہ اور ارشد کی فلمفراڈ سیاں18 جنوری کو ریلیز کی جارہی ہے۔




عمران ہاشمی نے تعلیمی نظام میں کرپشن کیخلاف سوشل میڈیا پر تحریک متعارف کرا دی

ممبئی(وائس آف ایشیا )بالی وڈ اداکار عمران ہاشمی نے تعلیمی نظام میں کرپشن کے خلاف آواز اٹھانے کے لئے سوشل میڈیا تحریک ہیش ٹیگ ای ڈی یو ٹو متعارف کرا دی۔بھارتی ذرائع ابلاغ کے مطابق 2018 میں ہراسگی کے خلاف خواتین کے لئے سوشل میڈیا پر ہیش ٹیگ می ٹو تحریک متعارف کی گئی جس کے بعد اداکار عمران ہاشمی نے بھی بہادرانہ قدم اٹھاتے ہوئے والدین اور طلبا کے لئے تعلیمی نظام میں کرپشن کے خلاف آواز اٹھانے کے لئے ہیش ٹیگ ای ڈی یو ٹو کے نام سے سوشل میڈیا تحریک متعارف کرا دی ہے جس کا مقصد کالج مالکان، پروفیسرز، پرنسپلز، سرکاری حکام، کوچنگ کلاس مالکان اور کلرکس اور تمام افراد جو تعملیمی نظام میں کرپشن میں ملوث ہیں کے خلاف آواز اٹھانا ہے۔




عابدہ پروین کی گائیکی سے متاثر ہوں وہ میری روحانی استاد بھی ہیں ‘صنم ماروی

لاہور (وائس آف ایشیا) گلوکارہ صنم ماروی نے کہا ہے کہ میرا تعلق سندھ سے ہے جہاں سیون شریف کے قریب ایک چھوٹا سا گاؤں ہے ،جب میری عمر تین سال تھی تو میرے والد کو قتل کر دیا گیا ،والدہ نے دوسری شادی کر لی اور میرے دوسرے باپ ماہر تعلیم ہونے کے ساتھ موسیقی سے بھی شوق رکھتے تھے اور انہوں نے ہی گلوکاری میں میری بھرپور سرپرستی کی۔انہوں نے کہا کہ سب سے پہلے ریڈیو پاکستان حیدر ا?باد سے گلوکاری کا ا?غاز کیا اور جو گانا میں نے پیش کیا وہ میرے والد کی کمپوزیشن تھی۔انہوں نے کہا کہ عابدہ پروین کی گائیکی سے متاثر ہوں اور وہ میری روحانی استاد بھی ہیں۔صنم ماروی نے کہا کہ میری کامیابیوں کا کریڈٹ میرے والد اور میرے بچوں کے والد حامد بلول کے سر جاتا ہے ۔




اداکارہ فضاء علی کا لائیو گائیکی کا شوق پورا ہو گیا

لاہور (وائس آف ایشیا)اداکارہ فضاء علی کا لائیو گائیکی کا شوق پورا ہو گیا۔تفصیلات کے مطابق اداکارہ فضاء علی ان دنوں ایک نجی ٹی وی چینل کے مزاحیہ شو ’’تاروں سے کریں باتیں ‘‘ کی میزبانی کے فرائض انجام دے رہی ہیں۔دوران شو انہوں نے پہلی مرتبہ لائیو گانا ’’رفتہ رفتہ وہ میری ہستی کا سماں ہو گئے ‘‘ سنا کر حاضرین کو حیرت میں ڈال دیا اور ان سے بھرپور داد سمیٹی۔شو کے بعد کامیڈین نسیم وکی ، حسن مراد ،گوشی خان اور حامد رنگیلا نے فضاء علی کو خوبصورت گائیکی پر مبارکباد دی۔




دیپیکاپڈوکون نے رنویرسنگھ پر تین چیزوں کی پابندی لگادی

ممبئی(وائس آف ایشیا) 2018 کی مشہور جوڑی دیپ ویر کی شادی کے چرچے ابھی ختم نہ ہوئے تھے کہ ان کی شادی کے بعد کی زندگی کے بارے میں مختلف خبریں آنے لگیں۔بھارتی میڈیا کے مطابق دپیکا پڈوکون پر اپنے شوہر رنویر سنگھ پر شادی کے بعد تین چیزوں کی پابندی لگا دی ہے۔ایک انٹرویو میں جب یہ سوال کیا گیا کہ وہ تین چیزیں کیا ہیں تو رنویر کا کہنا تھا کہ دپیکا نے ان پر گھر سے زیادہ دیر دور رہنے، کھانا کھائے بغیر گھر سے نکلنے اور مس کالز پر پابندی لگا دی ہے۔انہوں نے دپیکا کی تعریف کرتے ہوئے کہا کہ جب دپیکا سوتی ہیں تو خوبصورت لگتی ہیں ، جب جاگتی ہیں ، تب خوبصورت لگتی ہیں، چاہے دن کا کوئی بھی وقت ہو وہ خوبصورت نظر آتی ہیں با لکل ویسے ہی جیسے اسکرین پر فلموں میں۔یاد رہے اس سے قبل ایک انٹرویو میں رنویر نے دپیکا کے بارے میں کہا تھا کہ بہت ہی گھریلو لڑکی ہے، اور مجھے ان کا یہ روپ بے حد پسند ہے۔انہوں نے میری زندگی بہت ہی خوبصورت بنا دی ہے۔




کرشمہ تنا کی راج کمار ہیرانی پر لگائے گئے الزامات کی تردید

ممبئی(وائس آف ایشیا) بالی وڈ کی فلم ’’سنجو‘‘ کی اداکارہ کرشمہ تنا کا کہنا ہے کہ راج کمار ہیرانی ایک اچھے انسان ہیں اور ان پر لگائے گئے الزامات کی تردید کرتی ہیں۔بھارتی ذرائع ابلاغ کے مطابق اداکارہ کرشمہ تنا نے میڈیا سے بات کرتے ہوئے کہا کہ وہ ہدایتکار راج کمار ہیرانی پر لگائے الزامات کو جھوٹ کے سوا کچھ نہیں سمجھتی ہیں اور ان کی تردید کرتی ہیں جبکہ راج کمار ہیرانی لگائے گئے الزامات سے ایک بالکل الگ انسان ہیں۔ان کا کہنا تھا کہ وہ ان کے ساتھ کام کرتی رہیں ہیں اور بلاشبہ وہ ایک سلجھے ہوئے اور اچھے انسان ہیں اور وہ اس مشکل وقت میں ان کے ساتھ کھڑی ہیں۔یاد رہے ا?جکل ہدایتکار راج کمار کو ان کی ٹیکنیشن عملے کی ایک خاتون کی طرف سے ہراساں کرنے کے الزامات کا سامنا ہے۔




پیچھے مڑ کر د یکھنے کی بجائے آگے بڑھنے کو ترجیح دیتی ہوں، رادھیکااپتے

ممبئی(وائس آف ایشیا)بالی وڈ کے اداکارہ رادھیکااپتے کا کہنا ہے کہ وہ پیچھے مڑ کر د یکھنے کی بجائے آگے بڑھنے پسند کرتی ہیں۔بھارتی ذرائع ابلاغ کے مطابق اداکارہ رادھیکااپتے نے میڈیا سے بات کرتے ہوئے کہا کہ وہ ان لوگوں میں سے ہیں جوماضی کی طرف دیکھنے کی بجائے آگے بڑھنے پر یقین رکھتی ہیں اور اپنی فلموں کو چیلنج کے طور پر قبول کرکے کام کرنا پسند کرتی ہیں۔ ان کا ایک سوال کے جواب میں کہنا تھا کہ اب کے لئے فلم بڑی یا چھوٹی معنی نہیں رکھتی ہے،انہوں نے ہمیشہ فلم کے کردار کو فوقیت دے کر کام کرنا پسند کیا ہے۔ان کا کہنا تھا کہ فلم ’’اندھادھند‘‘ ،’’پیڈمین‘‘ اور فلم ’’بازار‘‘ سے سیکھنے کو بہت کچھ ملا ہے۔