Voice of Asia News

آئی ایس پی آر نے ٹیک ہیرو تنویز نانڈلہ کو فخرِ پاکستان کے اعزاز سے نواز دیا

لاہور ( وائس آف ایشیا )آئی ایس پی آر کی جانب سے پاکستانی ٹیلنٹ کی روشن علامت ’ ٹیک ہیروز‘ کو فخرِ پاکستان ایوارڈ سے نوازا گیا ہے جن میں ٹیک ٹیچر،بلاگر، فری لانسر اور سائبر سیکیورٹی کے ماہر افراد شامل ہیں۔ہر سال 23مارچ کو قراردادِ پاکستان کی یاد میں پروقار تقریب میں پاکستان کے ایسے ہیروز کو اعزازات سے نوازا جاتا ہے جنہوں نے اپنے شعبوں میں قابل قدر اور کارہائے نمایاں سرانجام دئیے ہوں۔پاکستان کا نام دنیا بھر میں روشن کرنے والے ہیروز کو پرائیڈ آف پاکستان کے اعزاز سے نوازا جاتا ہے۔رواں سال اس تقریب میں ٹیک ہیروز کو بھی فخرِ پاکستان ایوارڈ سے نوازا گیا۔ ملتان سے تعلق رکھنے والے تنویز نانڈلہ کو بھی فخرِ پاکستان کے اعزاز سے نوازا گیا۔تنویر نانڈلہ پاکستان کے مختلف شہروں کے 5 ہزار سے زائد طلبہ کو ڈیجیٹل مارکیٹنگ کی تربیت دے چکے ہیں۔آئی ٹی کے میدان میں انقلاب لانے والے تنویر نانڈلہ کی کاوشوں اور ٹریننگ کے نتیجے میں یہ طلباء پاکستان میں 105 ملین ڈالرز کا زرِ مبادلہ لا چکے ہیں۔ صدرِ مملکت ڈاکٹر عارف علوی نے نے تنویر نانڈلہ کو نام سے مخاطب کرتے ہوئے تقریب میں خوش آمدید کہا۔ تنویز نانڈلہ 2019 ء میں ورلڈ بینک سے نمبر ون بلاگر کا ایوارڈ بھی حاصل کر چکے ہیں۔تنویر نانڈلہ نے کہا ہے کہ ٹیک ہیروز کی محنت کی بدولت پاکستان ٹیکنالوجی کے میدان میں بہت ترقی کرے گا۔

image_pdfimage_print
شیئرکریں