Voice of Asia News

برطانوی حکومت معاشی بحران کی توقع نہیں کر رہی، نائب وزیر خزانہ

لندن (وائس آ ف ایشیاء) برطانوی حکومت ملکی معیشت کے بحران کا شکار ہونے کی توقع نہیں کر رہی۔برطانوی ٹی وی کے مطابق یہ بات برطانیہ کے جونیئر وزیر خزانہ سیمن کلارک نے پیر کو کہی ۔ برطانیہ میں بلند افراط زر اور معیشت کی نمو میں جمود کے سبب معاشی بحران پیدا ہونے کے خدشات کا اظہار کیا جا رہا ہے۔ برطانوی صنعت کی کنفڈریشن کی طرف سے ایک ہفتے قبل متنبہ کیا گیا تھا کہ معیشت کے آئندہ برس جمود کا شکار رہنے سے ملک باآسانی معاشی بحران میں مبتلا ہو سکتا ہے۔ برطانوی جونیئر وزیر خزانہ سیمن کلارک کے مطابق تاہم عالمی معیشت کو درپیش اہم خطرات کے باوجود برطانوی معیشت کے چند اہم مثبت پہلو بھی ہیں۔ ان کا کہنا تھا کہ یہ بات اہم ہے کہ اس طرح کی سوچ کا شکار نہ ہوا جائے۔

image_pdfimage_print
شیئرکریں