🚨 لعنت ایسی محبت پر! 20 نومبر کو دلہن بننے والی روبینہ کو یک طرفہ محبت کے جنون نے موت کی نیند سلا دیا، ملزم بھی انجام کو پہنچ گیا!
منڈی بہاؤالدین: جس گھر میں شادی کی تیاریاں جاری تھیں، جہاں 20 نومبر کو بارات آنے والی تھی، وہاں خوشیوں کی جگہ صفِ ماتم بچھ گئی!
25 سالہ روبینہ اختر قادرآباد کے مین بازار میں شادی کے کپڑے خریدنے گئی تھی کہ محسن عباس نامی نوجوان نے کپڑوں کی دکان میں داخل ہو کر اس پر فائرنگ کر دی، جس سے وہ موقع پر ہی جاں بحق ہو گئی۔
پولیس کے مطابق ملزم پہلے مقتولہ کے خاندان کے ایک فرد کے پاس ملازمت کرتا تھا۔ روبینہ نے اس کی جانب سے تعلقات قائم کرنے کے لیے دباؤ ڈالنے کی شکایت کی تھی، جس کے بعد اسے ملازمت سے نکال دیا گیا تھا۔
قتل سے پہلے ملزم کی آخری ویڈیو بھی سامنے آئی!
پولیس تحقیقات کے مطابق محسن عباس نے واردات سے پہلے ایک ویڈیو سوشل میڈیا پر اپلوڈ کی جس میں اس نے اشارہ دیا کہ شاید یہ اس کی آخری ویڈیو ہو۔
واردات کے بعد ملزم فرار ہو کر سرگودھا پہنچا، جہاں سیٹلائٹ ٹاؤن میں پولیس نے اس کی موجودگی کا سراغ لگایا۔ پولیس کا مؤقف ہے کہ محاصرے کے دوران محسن عباس نے گرفتاری کے خوف سے خود کو گولی مار لی اور ہلاک ہو گیا۔
💔 یہ محبت نہیں، ظلم اور سفاکیت تھی!
کسی لڑکی کا رشتہ قبول نہ کرنا یا اپنی زندگی کا فیصلہ خود کرنا کسی کو یہ حق نہیں دیتا کہ وہ اس سے جینے کا حق چھین لے۔
روبینہ کی شادی کا جوڑا ادھورا رہ گیا، والدین کے خواب ٹوٹ گئے اور ایک ہنستا بستا گھر ماتم کدہ بن گیا۔
محبت میں انکار کو قبول کرنا سیکھیں، کیونکہ محبت کبھی کسی انسان کی جان لینے کا نام نہیں!