بنوں میں زور دار دھماکا، 5 افراد جاں بحق، 7 زخمی
آئی ای ڈی کے ذریعے ہونے والے دھماکے کا نشانہ مسافر گاڑی بنی، لاشیں اور زخمی اسپتال منتقل
بنوں میں زور دار دھماکے کے نتیجے میں 5 افراد جاں بحق اور 7 زخمی ہو گئے۔
ایکسپریس نیوز کے مطابق ضلع بنوں کی تحصیل ڈومیل کے علاقہ پینگ میں ہونے والے دھماکے کے نتیجے میں 5 افراد موقع پر جاں بحق ہو گئے جب کہ 7 افراد کے زخمی ہونے کی اطلاع ہے۔
پولیس نے بتایا ہے کہ دھماکا آئی ای ڈی کا تھا، جس سے مسافر گاڑی کو نشانہ بنایا گیا۔ ابتدائی اطلاعات کے مطابق مسافر ڈاٹسن ہاتھی خیل گاؤں سے مسافروں کو لا رہی تھی۔
بنوں اسپتال انتظامیہ کے مطابق دھماکے کے بعد لائے گئے زخمیوں میں کمسن بچے بھی شامل ہیں۔ تمام زخمیوں کو فوری طبی امداد کے لیے اسپتال منتقل کر دیا گیا ہے جبکہ علاقے کو سیکیورٹی فورسز نے گھیرے میں لے لیا ہے۔
مزید دریافت کریں
میڈیا سروسز
اخبار پڑھیں
Newspapers
واقعے کی اطلاع ملتے ہی قانون نافذ کرنے والے اداروں نے جائے وقوع پر پہنچ کر شواہد اکٹھے کیے اور علاقے کو گھیرے میں لے کر سرچ آپریشن شروع کردیا ہے۔