اسٹار بلے باز اذان اور عبداللہ کی ڈیبیو پر سنچری پلس پارٹنرشپ، منفرد سنگ میل عبور کر لیا

اسٹار بلے باز اذان اور عبداللہ کی ڈیبیو پر سنچری پلس پارٹنرشپ، منفرد سنگ میل عبور کر لیا
اذان اویس اور عبداللہ فضل ٹیسٹ کرکٹ میں سنچری پارٹنرشپ بنانے والی صرف تیسری پاکستانی جوڑی بن گئے
میرپور(وائس آف ایشیا)پاکستان کے ابھرتے ہوئے اسٹار بلے باز اذان اور عبداللہ نے ڈیبیو پر سنچری پلس پارٹنرشپ کے ساتھ منفرد سنگ میل عبور کر لیا۔گزشتہ روز پاکستان کی جانب سے ڈیبیو کرنے والے اذان اویس کی سنچری اور عبداللہ فضل کی نصف سنچری تھی۔ دونوں بالترتیب 103 اور 60 رنز بنا کر آؤٹ ہوئے۔ان کے علاوہ محمد رضوان 59، سلمان علی آغا 58 اور امام الحق 45 رنز بنا کر نمایاں رہے۔ کپتان شان مسعود 9، نائب کپتان سعود شکیل صفر کے ساتھ ایک بار پھر ناکام رہے۔اذان اویس اور عبداللہ فضل ٹیسٹ کرکٹ میں سنچری پارٹنرشپ بنانے والی صرف تیسری پاکستانی جوڑی بن گئے۔دونوں نے بنگلہ دیش کے خلاف ابتدائی ٹیسٹ کی پہلی اننگز میں دوسری وکٹ کے لیے 104 رنز جوڑے اور وہ پاکستانیوں کی ایک خصوصی فہرست میں شامل ہو گئے جو دو دہائیوں سے زیادہ عرصے سے برقرار ہے۔ان کی کوششوں سے پہلے، صرف دو پاکستانی جوڑیوں نے یہ کارنامہ انجام دیا تھا۔ 1964 میں، خالد عباد اللہ اور عبدالقادر نے کراچی میں آسٹریلیا کے خلاف 249 رنز کا یادگار اوپننگ اسٹینڈ فراہم کیا تھا۔اگلا میچ 2003 میں آیا، جب محمد حفیظ اور یاسر حمید نے کراچی میں بنگلہ دیش کے خلاف دوسری وکٹ کے لیے 134 رنز جوڑے۔